നിന്റെ നോട്ടം
എന്റെ ഉള്ളിലേക്ക്
ഒരു മഞ്ഞുസൂചി പോലെ
തറച്ചുകയറി
തണുത്ത,ഭീതിദമായ
വേദന.
ഉള്ളിലെ വെളിവായിപ്പോയ
ശൂന്യത.
പ്രതിരോധിക്കാന് ഒന്നുമില്ലാതെ
നിരായുധയായി
എല്ലാ ആവരണങ്ങളുമഴിഞ്ഞ്
അങ്ങനെ…
വേദനയുടെ ഒരു കടല്
ഇരമ്പുന്നുണ്ടായിരുന്നു.
നിനക്ക് മാത്രം മായ്ച്ചുകളയാനാവുന്ന
ഒരുപാട് വ്യര്ത്ഥനിമിഷങ്ങള്
കനം തൂങ്ങി നില്ക്കുന്നുണ്ടായിരുന്നു.
എന്റെ സ്വപ്നങ്ങളുടെ
ശൂന്യമായ
വലക്കട്ടിലില്
മഴ പൊഴിയുന്നുണ്ടായിരുന്നു.
ഓര്മ്മകളുടെ ഈ
കനിവില്ലാത്ത മഴയില്
ഞാന് നിന്റെ
തണല് തേടുന്നു.
പോയ വര്ഷങ്ങളത്രയും
അതിവേഗം
എന്നില് നിന്ന്
ഓടിയകന്നെങ്കില്…
Subscribe to:
Post Comments (Atom)
No comments:
Post a Comment